Spiker: Deputatlar fəal, seçicilərlə təmasda olmalıdır

Aktual Tv xəbər verir ki, bu sözləri parlamentdə çıxışı zamanı spiker Sahibə Qafarova bildirib.

O, əlavə edib ki, bütün deputat köməkçiləri ilə görüşmək planı var: “Ancaq koronavirus səbəbindən bu alınmayıb. Amma biz çalışacağıq ki, digər deputat köməkçiləri ilə videokonfrans vasitəsilə görüş keçirək”.

Milli Məclis sədri qeyd edib ki, görüşdüyü deputat köməkçiləri ilə onların iş və fəaliyyətləri haqqında danışılıb: “Azərbaycan Prezidentinin Milli Məclisin ilk açılışı günü etdiyi çıxış parlamentin fəaliyyəti, yol xəritəsidir. Həmin çıxış zamanı deputatlar qarşısında yeni vəzifələr qoyuldu. Deputatlar seçildiyi rayonlarda fəal, seçici ilə təmasda olmalı, müvafiq problemləri müəyyən edərək aidiyyəti qurumların diqqətinə çatdırmalıdır. Bu mənada, deputat köməkçilərinin üzərinə də böyük işlər düşür. Hesab edirəm ki, deputat köməkçiləri ilə görüş effektivdir və bunu davam etdirmək lazımdır”.