Karantin cərimələri silinəcək? – AÇIQLAMA

“Hələ son verilməyən proseslə bağlı indidən qərar verilməsi məqbul deyil. Adətən proses yekunlaşır və ondan sonra belə bir qərar qəbul olunur”.
Bunu Aktual TV -yə açıqlamasında deputat Fazil Mustafa pandemiya ilə bağlı yazılan cərimələrin ləğv olunması gözlənilirmi sualına cavabında deyib. 
Deputat bildirib ki, proses başa çatandan sonra bu istiqamətdə qərar qəbul etmək olar:
“Bundan narahat olmağa dəyməz. Hazırda xüsusi karantin rejimi qüvvədədir. Bəlkə bundan sonra elə yerlər varki orada karantin qaydalarına əməl olunmalıdır. Ləğv olunsa, o zaman düşünəcəklər ki, cərimə yoxdur və istənilən kimi hərəkət etmək olar. Bu proses tamamlandıqdan sonra orada hansısa güzəştlərin edilə biləcəyi nəzərdə tutula bilər”.