ABŞ Ukraynaya növbəti maddi dəstəyini göstərib.
Aktualtv.az xəbər verir ki, bu barədə ABŞ dövlət katibi Entoni Blinken öz twitter hesabında məlumat verib:
“Bu gün biz Rusiyanın qış aylarında milyonlarla insanı işıqsız qoymağa hesablanmış hücumlarına qarşı Ukraynanın enerji və elektrik şəbəkəsini dəstəkləmək üçün əlavə 125 milyon dollar maliyyə ayırdıq. Bu hücumlar ukraynalıları daha da dözümlü olmağa vadar edib”.
Qeyd edək ki, yanvar ayının 8-də Amerikanın prezidenti Co Bayden və Ukrayna prezidenti Vladimir Zelenski arasında ABŞ və müttəfiqlərinin Ukraynanın təhlükəsizlik tələbləri ilə bağlı gördüyü işlərin müzakirə edildiyi telefon danışığında Bayden Zelenskiyə ABŞ-ın Ukrayna hökumətinə 500 milyon dollar birbaşa büdcə yardımı etmək niyyətində olduğunu bildirib.
