Ermənistan Azərbaycanla sülh sazişi layihəsi üzərində işi başa çatdıraraq onu Bakıya, eləcə də ATƏT-in Minsk Qrupuna daxil olan ölkələrə göndərib.
Aktualtv.az xəbər verir ki, bu barədə cümə axşamı hökumətin iclasında baş nazir Nikol Paşinyan bildirib.
“Ermənistan Azərbaycanla sülhün və münasibətlərin qurulmasına dair saziş layihəsi üzərində işi başa çatdırıb və bizim təkliflərimiz Azərbaycan tərəfinə verilib. Biz onları ATƏT-in Minsk Qrupu ölkələrinə də təqdim etmişik”.
Ermənistan Nazirlər Kabinetinin rəhbərinin fikrincə, “sənəddə uzunmüddətli və sabit sülhün pozulmasının istənilən ssenarisini istisna edəcək belə bir razılaşma məntiqi, elə bir nəzarət və tarazlıq sistemi olmalıdır”. “Ümid edirik ki, danışıqların üç raundunun nəticələrinə görə müşahidə olunan müəyyən irəliləyişə nail ola biləcəyik. Sənədin imzalanması müharibəyə çevrilməməlidir, əslində, davamlı sülh demək olmalıdır. Bir daha qeyd edirəm ki, mən buna hazıram. sülh sazişi imzalasam, mən belə bir məsuliyyəti öz üzərimə götürməyə hazıram”, – deyə o əlavə edib.
Paşinyan Laçın dəhlizindəki vəziyyətə toxunaraq qeyd edib ki, Azərbaycan çərşənbə günü iki saata açılıb, sonra isə yenidən Dağlıq Qarabağa qaz verilişini kəsib. “Bu, danılmaz sübutdur ki, Laçın dəhlizinin blokadaya alınmasının ekoloji motivləri qondarmadır və Azərbaycanın hərəkətləri Dağlıq Qarabağ ermənilərinin etnik təmizləmə siyasətini başa çatdırmağa yönəlib”, – o vurğulayıb.
Etibar Məmmədov / aktualtv.az
