“Köməkçilərimiz görüşlər keçirməyə davam edirlər” – Bayden çətin vəziyyətdə – Özəl

ABŞ administrasiyası və Konqresi ölkədə defoltun qəbuledilməz olduğu və dövlət borcunun həddinin artırılması ilə bağlı danışıqlarda irəliləyiş olduğu qənaətindədirlər.

Aktualtv.az xəbər verir ki, bu barədə ölkə prezidenti Co Bayden deyib.

“Spiker Kevin Makkarti və mən bəzi məhsuldar söhbətlər etdik. Və əslində, bizim köməkçilərimiz bu dəqiqələrdə görüşlər keçirməyə davam edirlər. Və onlar irəliləyiş əldə edirlər”, – deyə ABŞ prezidenti bildirib.

Bayden qeyd edib ki, milli borc üzrə defoltun doğru seçim olmadığını bir neçə defə deyib. “Konqres rəhbərliyi bunu başa düşür. Və hamısı razılaşdılar ki, defolt olmayacaq”, – deyə o bildirib.

Murad Həsənov / aktualtv.az