Bakının mərkəzi küçəsində irigövdəli ağac aşıb.
Aktualtv.az xəbər verir ki, bununla bağlı sosial şəbəkələrdə görüntülər paylaşılıb. Bildirilib ki, hadisə paytaxtın Səbail rayonu, Nizami küçəsində qeydə alınıb.
Güclü külək nəticəsində aşan ağac səkidə hərəkət edən piyadanın üzərinə düşüb. Xəsarət alan şəxsə yaxınlıqdakı insanlar tərəfindən yardım edilib.
Hadisə ilə əlaqədar Oxu.Az-ın sorğusuna cavab olaraq, Daxili İşlər Nazirliyindən də məlumat təsdiqlənib. Qeyd edilib ki, müvafiq araşdırma aparılır.
Ekologiya və Təbii Sərvətlər Nazirliyindən Oxu.Az-a verilən məlumatda isə ağacın hansı səbəbdən aşması, çürük olub-olmadığı haqqında dəqiqləşdirmə aparıldığı bildirilib.
Sosial şəbəkələrdə yayılan görüntüləri təqdim edirik:
