Azərbaycan Respublikasının Gənclər və İdman Nazirliyinin dəstəyi ilə “Sosial İnkişafa Yardım” ictimai birliyi “Narkotikdən asılılığa qarşı mübarizə” layihəsini icra edir.
Layihə 15.09.2024-cü il tarixini əhatə edir və 3 ay davam edəcək. Layihə rəhbəri Zakir Quliyevdir.
Layihənin ideası Azərbaycanın narkotiklərin geniş yayıldığı, interaktiv xəritədə qırmızı və sarı zonalara daxil olan rayon və şəhərlərdə gənclərin narkomaniyaya qarşı mübarizə bilgilərini artırmaq, narkomaniya ilə mübarizə mədəniyyətini təkmilləşdirməkdən ibarətdir.
Layihənin qısa məzmunu belədir: gənclərin narkotik vasitələrdən asılılığının əvvəlcədən qarşısını almaq məqsədilə maarifləndirici təlimlər təşkil olunur, gənclərdə narkoasılılığın hansı səbəblərdən yaranması və bunun əvvəlcədən qarşısının alınması yolları kimi mürəkkəb mövzunu asan dildə açıqlanır.
Məqsəd ölkəmizdə gənclərin narkotik maddələrdən asılılığının yaranmasının qarşısını almaq, bunun üçün qabaqlayıcı maarifləndirmə tədbirləri təşkil etmək, yeni nəsil nümayəndələrinin sağlam həyat tərzi sürməyə üstünlük verməklə narkotik maddə istifadə etmək təhlükəsindən uzaqlaşmalarına, narkotik maddə istifadəçisi olan gənclərin statistikasında sürətli şəkildə azalmaya nail olmaqdır.
