Boliviya Prezidenti Moralesin tərəfdarlarının üç hərbi obyekti ələ keçirdiyini bildirib

Boliviyanın keçmiş prezidenti Evo Moralesin tərəfdarları Koçabamba departamentində üç hərbi obyekti ələ keçiriblər.

Bu barədə hazırkı dövlət başçısı Luis Arse teleqramda bildirib.

“Boliviya xalqının və beynəlxalq ictimaiyyətin diqqətinə çatdırırıq ki, Evo Moralesə yaxın silahlı qruplar Koçabambada üç hərbi obyekti ələ keçiriblər, hərbçiləri və onların qohumlarını girov götürüblər və onları öldürməklə hədələyirlər”, – o yazıb.

Arse qeyd edib ki, hərbi obyektlərin ələ keçirilməsi “dünyanın istənilən yerində dövlətə xəyanət və konstitusiya quruluşuna qəsd kimi qiymətləndirilir”.

“Demokratik yolla seçilmiş hökumət olaraq, konstitusion səlahiyyətlərimiz çərçivəsində və əhalinin dəstəyi ilə ictimai asayişin bərpasına yönəlmiş tədbirləri həyata keçirməyə davam edəcəyik”, – dövlət başçısı vurğulayıb.

Daha əvvəl silahlı şəxslərin bir hərbi hissəni ələ keçirdiyi, hərbçiləri girov götürdüyü və oradakı silahları ələ keçirdiyi bildirilmişdi.

Şərh yaz

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]