Dövlət Vergi Xidmətindən AKTUAL TV-yə verilən məlumata görə, vergi ödəyiciləri aşağıdakı link vasitəsi ilə onlayn növbə tuta və ya öncədən tutulan növbəni ləğv edə bilərlər.
– Onlayn növbəyə yazılmaq: https://www.e-taxes.gov.az/ebyn/novbe/.
– Onlayn növbənin ləğvi: https://e-taxes.gov.az/ebyn/novbe/ordercancel.html.
– Elektron xidmətlər üzrə istifadəçi təlimatı: https://bit.ly/2Wjtb5I.
Onlayn növbəyə yazılmış şəxslər xidmət mərkəzinə yaxınlaşdıqda özləri ilə şəxsiyyət vəsiqələrini (Dövlət Miqrasiya Xidməti tərəfindən əcnəbi və vətəndaşlığı olmayan şəxslərə təqdim edilən daimi və ya müvəqqəti yaşamaq üçün icazə vəsiqəsi və ya qaçqın vəsiqəsini) və ya Fiziki şəxsin uçotu haqqında şəhadətnaməni (Kommersiya qurumunun dövlət qeydiyyatı haqqında şəhadətnamə və s.), müraciət edən şəxs elektron xidmətin istifadəçisinin səlahiyyətli nümayəndəsi olduqda müvafiq qaydada təsdiq olunmuş etibarnaməni və onlayn növbəyə yazılma ilə bağlı elektron poçt ünvanına göndərilmiş bildirişi mərkəzin məsul şəxsinə təqdim etməlidirlər.
Qeyd edək ki, tibbi maskasız xidmət mərkəzinə müraciət edənlərin qəbulu həyata keçirilmir.
Koronavirus infeksiyasının (COVID-19) yayılmasının qarşısının alınması məqsədi ilə vergi ödəyicilərinə xidmət mərkəzlərinə yalnız zəruri hallarda, yəni əldə olunması nəzərdə tutulan xidmətin elektron analoqu olmadıqda müraciət etmələri xahiş olunur.
Əlavə olaraq bildirilir ki, 12 may 2020-ci il tarixdən vergi ödəyicilərinə xidmət mərkəzlərinin fəaliyyəti bərpa olunduğundan COVID-19-un yayılmasının qarşısının alınması ilə əlaqədar görülmüş tədbirlər çərçivəsində vergi ödəyicilərinə xidmət mərkəzlərinin fəaliyyətinin müvəqqəti dayandırıldığı dövründə vergi ödəyicilərinin müraciətlərinin qəbulunun həyata keçirilməsi üçün İqtisadiyyat Nazirliyi yanında Dövlət Vergi Xidmətinin rəsmi internet saytında yerləşdirilmiş telefon nömrələri və elektron poçt ünvanları vasitəsi ilə müraciətlərin qəbulu dayandırılır.
