“Bu hissə ilə bağlı bizim və Azərbaycanın ümumi fikri var” – Paşinyan – Özəl

Zəngəzur vilayətinin Dığ kəndi yaxınlığında problemli ərazi daha 1,4 km azaldılıb.

Aktualtv.az xəbər verir ki, bunu Ermənistan Baş naziri Nikol Paşinyan deyib. Onun sözlərinə görə, dəqiqləşdiriləcək 12 kilometrlik xəttin cəmi 5 kilometrlik hissəsi problemli hesab edilib.

“Hazırda zona daha 1,4 km azalıb. Bu o deməkdir ki, sərhədin bu hissəsi dəqiqləşdirilib. Bu hissə ilə bağlı bizim və Azərbaycanın ümumi fikri var. Bu xəttdən müəyyən məsafədə Ermənistan və Azərbaycan sərhədçiləri yerləşdirilib. Təcrübə göstərir ki, sərhədçilər məsələ ilə məşğul olanda bu, müəyyən nəticələrə gətirib çıxarır. Ümid edirik ki, qalan 3,6 km dəqiqləşdiriləcək və bununla da məsələ bağlanacaq”, – deyə Paşinyan bildirib.

Murad Həsənov / aktualtv.az