Toyda “Laçınım” mahnısının üstündə qan töküldü

Mingəçevir şəhərində keçirilən toy mərasimində dava olub.  

Bizim.Media-nın məlumatına görə, hadisə Samux küçəsində yerləşən “Altun” şadlıq sarayında keçirilən toy mərasimində baş verib.  

Toyda “Laçınım” mahnısının ifaçılar tərəfindən yarımçıq saxlanılması münaqişəyə səbəb olub. 

Toyda sərxoş vəziyyətdə olan iştirakçılardan biri ifaçıları söyüşlə təhqir edib. Nəticədə mübahisə və münaqişə yaranıb. Musiqiçilərdən biri – saz ifaçısı əl nayihəsindən kəsici alətlə kəsilmiş-deşilmiş yara xəsarətləri alıb.  

Sonra şadlıq sarayı ərazisinə iki avtomobildə müxtəlif kəsici alətlərlə yaralı ifaçının yaxın adamları yetişiblər. Davanı məclis iştirakçıları yatırmağa çalışıblar. 

Polisin çevik hadisə yerinə yetişməsi bəzi hadisə iştirakçılarını qaçmağa vadar etsə də, polis əməkdaşları yollarını kəsərək onları saxlayıblar. Toy sahibi də daxil olmaqla, münaqişə iştirakçıları polis şöbəsinə aparılıb. 

Faktla bağlı araşdırma aparılır. 

Şərh yaz

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]