Ermənilər Laçının bu kəndindən ÇIXARILIR

Nikol Paşinyan keçirdiyi mətbuat konfransında Laçın rayonu və Zabux kəndinin (ermənilər Ağavno deyir) yaxın vaxtlarda Azərbaycana veriləcəyini açıqlayıb.

Aktualtv.az erməni KİV-lərinə istinadən xəbər verir ki, artıq Zabux kəndindən ermənilərin köçürülməsi prosesinə başlanılır.

“Faktiki olaraq bu gün Laçında yaşayan ailə yoxdur və Ağavno ( Zabux – red. ) kəndinin sakinlərinin problemləri “Artsax” (Qarabağ – red.) hökumətinin köməyi ilə həll oluQFnacaq, mən indiki məqamda Sus kəndi haqqında dəqiq bir şey deyə bilmərəm. Problem həmin ərazilərin DQMV sərhədlərinin daxilində və ya xaricində olmasıdır”, – Paşinyan bildirib.

Erməni mənbələrinin məlumatına görə, artıq iyulun 1-də Zabux kəndində Azərbaycan bayrağı dalğalanacaq. Lakin Paşinyan kəndin 1 iyulda deyil, alternativ yol çəkildikdən sonra təhvil veriləcəyini deyib.

Qeyd edək ki, Qarabağda yerləşən terror qruplaşmasının başçısı Arayik Arutyunyan bir qədər öncə Rusiyaya gedərək, Zabux kəndi məsələsinin onların xeyrinə həll olunmasına çalışmışdı. Lakin Arutyunyan Moskvadan əliboş qayıdıb və Zabux kəndindən ermənilərin köçürülməsi məsələsini müzakirə ediblər.

Onlar hesab edir ki, ən optimal həll yolu kimi erməni sakinlərə alternativ yolun kənarında yerləşən “Köhnə Şen”, “Yeni Şen” qəsəbələrinə köçməyi təklif etməkdir.

Şərh yaz

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]