Lazadakı insidentdə 2 nəfər saxlanılıb

Qəbələnin Laza kəndi yaxınlığında insident baş verib.

Aktualtv.az xəbər verir ki “Qafqazinfo”nun əldə etdiyi məlumata görə, bir neçə gün əvvəl polis əməkdaşları Laza kəndində “Ural” markalı yük avtomobilinin Dəmiraparan çayının içi ilə dağın zirvəsinə doğru hərəkət etdiyini və yük yerində 20-25 nəfər daşıdığını aşkar ediblər. Dərhal yük maşını saxlanılıb. Məlum olub ki , avtomobilin sənədləri qaydasında deyil, texniki təhlükəsizlik qaydalarına əməl olunmayıb. Həmçinin sürücü kabinasında olan 2 nəfər özlərini tur rəhbəri kimi təqdim edərək səs-küy salıb. Bu zaman insident baş verib və polis əməkdaşları onlara müqavimət göstərən şəxsləri saxlayaraq Qəbələ Rayon Polis Şöbəsinə aparıblar.

Buradakı araşdırma zamanı məlum olub ki, saxlanılan şəxslər Kərimov Vüqar və Salmanov Elman adlı vətəndaşlardır. Onların barəsində İnzibati Xətalar Məcəlləsinin 535-ci (Polisin qanuni tələbinə qəsdən tabe olmama) maddəsi ilə inzibati protokol tərtib edilib və məhkəməyə göndərilib.

Məhkəmədə bildirilib ki, saxlanılan şəxslər Lazadan Mucuq şəlaləsinə turistləri hər birindən 20 manat müqabilində texniki tələblərə cavab verməyən “Ural” markalı yük maşının kuzasında şəlaləyə aparırmış.

Onlar bildiriblər ki, Mucuq şəlaləsinə qalxan yolu əl əməyi ilə açıblar və xeyli iş görüblər.

Məhkəmə saxlanılan şəxslərin hər ikisinə pul cəriməsi təyin edərək sərbəst buraxıb.

Qeyd edək ki, son günlərdə DYP əməkdaşları Laza kəndində yaşamayan şəxsləri kənd ərazisinə avtomobillə buraxmır. Bu məsələ ilə bağlı ərazidə dəfələrlə gərginlik yaranıb.

Şərh yaz

Sizin reklam burada

Reklam yerləşdirmək üçün əlaqə:

+994 70 650 05 60

[email protected]

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]