28 yaşlı oğlan özünü niyə güllələdi? – TƏFƏRRÜAT

Zaqatalada ov tüfəngi ilə ehtiyyatsız davranan 28 yaşlı gəncin ölümünün bəzi təfərrüatları məlum olub.

Ötən gün axşam saatlarında rayonun Lahıc kənd sakini 1994-cü il təvəllüdlü Cavidan Murad oğlu Muradov qardaşı və dostu ilə birlikdə “Muravey” markalı mopedlə kəndin inzibati ərazisindəki meşəlik sahədəki şəxsi təsərrüfatına işləməyə gedib.

APA-nın məlumatına görə, hadisə baş verən zaman Cavidan Muradov mopedi idarə edirmiş və o, əlində tutduğu silahla ehtiyatsız davranıb. Nəticədə silahdan açılan atəş onun baş nahiyəsində ciddi zədəyə səbəb olub.

Cavidan Muradov aldığı güllə yarasından hadisə yerindəcə dünyasını dəyişib. Faktla bağlı Zaqatala Rayon Prokurorluğunda araşdırma aparılır. Lent.az-ın məlumatına görə, 28 yaşlı Cavidan Muradov bir il əvvəl ailə həyatı qurubmuş.

Daxili İşlər Nazirliyinin Mətbuat Xidmətinin Şəki regional qrupundan Modern.az-a verilən məlumata görə, 26 dekabr axşam saatlarında Zaqatala rayonunun Lahıc kəndindəki meşəlik ərazidə kənd sakini, 1994-cü il təvəllüdlü Cavidan Muradovun ov tüfəngindən açılan atəşdən ölməsi barədə polisə məlumat daxil olub.

Hadisə yerinə və meyitə polis, eləcə də prokurorluq əməkdaşları tərəfindən baxış keçirilib. İlkin araşdırma zamanı C.Muradovun ov tüfəngi ilə ehtiyatsız davranması nəticəsində silahdan açılan atəşdən öldüyü müəyyən edilib. 

Faktla bağlı araşdırma aparılır.

Şərh yaz

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]