AKTUAL TV xəbər verir ki, Milli Məclisin bu gün keçirilən iclasında onun Baş prokuror vəzifəsinə təyin olunmasına razılıq verilməsi haqqında məsələ müzakirəyə çıxarılıb.
Məsələ barəsində Azərbaycan Respublikası Prezidentinin Administrasiyasının (PA) Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev məlumat verib.
Ə.Vəliyev qeyd edib ki, Kamran Əliyevin fəaliyyəti dövlət tərəfindən yüksək qiymətləndirilir.
Müzakirələrdən sonra Baş prokuror vəzifəsinə K.Əliyevin namizədliyi təsdiq olunub.
Qeyd edək ki, Zakir Qaralov səlahiyyət müddəti başa çatdığı üçün vəzifəsindən azad edilib. O, 2000-ci ildən Azərbaycan Respublikasının Baş prokuroru olub.