AKTUAL TV xəbər verir ki, bunu BNA-nın sədri Vüsal Kərimli Operativ Qərargahın brifinqində deyib:
“Pandemiya dövründə zəruri şərtlər üçün ayrılan avtobuslardan sərnişinlər sui-istifadə edir. Sıxlıqlar müşahidə olunur və bu xoşagəlməz hadisələrə gətirib çıxara bilər”.
O bildirib ki, bir həftə əvvəlki nəqliyyat axını ilə bu gün arasında 12 faiz artım müşahidə olunub: “Postlara yaxınlaşmadan əvvəl sənədlər hazırlanmalıdır. 14-15 avtobus sıxlıqda gözləməli olur və dayanacaqlarda insan sıxlığı yaşanır. Nəqliyyat vasitələri intizamlı olsalar, biz tədbirləri həyata keçirə bilərik”.
