Mayın 9-da Azərbaycanın Müdafiə naziri general-polkovnik Zakir Həsənov və nazir müavinləri Böyük Vətən müharibəsində faşizm üzərində Qələbənin 75-ci ildönümü münasibətilə iki dəfə Sovet İttifaqı Qəhrəmanı, general-mayor Həzi Aslanovun abidəsini ziyarət ediblər.
Müdafiə Nazirliyindən AKTUAL TV-yə verilən məlumata görə, Nazirliyin rəhbərliyi abidə önünə gül dəstələri qoyub, İkinci Dünya müharibəsində misilsiz qəhrəmanlıqlar göstərmiş Azərbaycan xalqının igid oğullarının əziz xatirəsini dərin ehtiramla yad ediblər.
