Mübariz Mənsimov blogerlərə müraciət etdi – VİDEO

“Guya məni müdafiə edirlər, əslində isə, məni hədəfə çevirirlər”
  • 03/07/2020
  • 21:05

AKTUAL TV xəbər verir ki, İstanbulun Silivri həbsxanasında əsassız ittihamlarla saxlanılan “Palmali” şirkətinin prezidenti, Azərbaycanlı iş adamı, xeyriyyəçi Mübariz Mənsimov xarici ölkələrdə blogerliklə məşğul olan şəxslərə müraciət edib.

Müraciətdə deyilir:

“Mən hər gün vəkillərin vasitəsilə baş verənlərdən xəbərdar oluram. Baxıram ki, mənim son məktubum bəzi insanlar tərəfindən yanlış anlaşılıb. Bəziləri isə, bu məktubu istədikləri kimi görmək və şərh etmək istəyiblər. Mənim dostlarıma və məni tanıyan insanlara giley-güzarımı fərqli şəkildə təqdim edib, buna siyasi don geyindirməyə cəhd edənlərə üzümü tutub deyirəm:

Mən heç bir zaman siyasətçi olmamışam və olmaq niyyətim də yoxdur. Siz mənim məktublarımı alıb, onlara istədiyiniz rəngi verirsiniz. Bu azmış kimi, bəziləri guya məni müdafiə edir, əslində isə, tam əksinə, məni hədəfə çevirirlər. Xaricdə yaşayan mühacir blogerlər: sizin məqsədiniz məni dövlətlə üz-üzə qoymaqdır? Əsla! Mən hər zaman dövlətimin və prezidentimin yanında olmuşam və bundan sonra da belə olacaq. Mənim məktubumu əlinizdə bayraq edib nalayiq söyüşlərlə, əsası olmayan cağırışlarla yayınlarınızdan guya Mübariz Mənsimovu müdafiə edirsiniz. Lakin bütün bunlar nə mənə, nə də mənim azadlıqda olmağımı istəyənlərə lazımdır. Mən heç bir zaman xaricdə oturub əxlaqsız ifadələrlə, ana-bacı bilməyən söyüşlərlə xalqın adından danışanları dəstəkləmədim və bundan sonra da dəstəkləmərəm.

Mən açıq və aydın şəkildə hər şeyi izah edirəm: məktubuma siyasi rəng verərək məni öz alətinizə çevirib özünüzü reklam etməyin. Mən, Mübariz Mənsimov, iş adamıyam. Mənim duruşum da, baxışım da hər kəsə bəllidir. Mən, nə olursa olsun, Azərbaycan dövlətinə və dövlətçiliyinə zərrə qədər də xələl gətirməsini heç kimə müsaidə etmərəm. Azərbaycan mənim vətənimdir. Azərbaycanın inkişafı və rifahı, hər bir vətəndaş kimi, mənim də başımın ucalığıdır” – deyə Mübariz Mənsimov vurğulayıb.

Share on facebook
Share on twitter
Share on linkedin
Share on whatsapp
Share on email
Share on telegram

Şərh yaz

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2020 Aktual TV. Müəllif hüquqları qorunur.

  • Aktual Xəbər
  • Azərbaycan Həqiqətləri
  • Diaspora
  • Aktual Layihə
  • Aktual TV
  • Aktual Mövqe
  • Sizdən Xəbər

Bizimlə Əlaqə: +994 70 650 05 60 | [email protected]