“Azərişıq”dan daha bir şikayət: “Vətəndaşlara o qədər etinasız yanaşır ki…”

AKTUAL TV -nin xəbərinə görə, bunu jurnalist Rəşad Vaqifoğlu deyib.

R.Vaqifoğlu bildirib ki, iyulun 8-də 37 dərəcə temperatur hava olan zaman 3 saat işıq yanmayıb: “Saat 20:30-da elektrik verdilər, yenidən söndürdülər. İndi hardan bilək, hansısa qəza baş verib, yoxsa səbəb nədir? Bütün qurumlar pis-yaxşı sosial şəbəkə üzərindən vətəndaşlarla əlaqə qurur. “Azərişıq” isə deyəsən “Facebook” səhifəsində bir cümləlik xəbərdarlıq, yaxud izahedici formada bir məlumat paylaşmağa ərinir”.

Qeyd edək ki, R.Vaqifoğlu Masazırda yaşayır. Sosial şəbəkədə yayılan məlumatlardan aydın olur ki, Abşeron rayonunda bu istiqamətdə problemlər daha qabarıq olur.