Azərbaycanlılar təbii olaraq bu haqsızlıqdan və erməni vandalizmindən qəzəbləniblər, nəticədə dünyanın müxtəlif şəhərlərində küçə döyüşləri əlbəyaxa toqquşmalar baş verir. Moskvada isə vəziyyət daha gərgindir. Belə ki, bu şəhərdə azərbaycanlıların sayı çoxdur və ermənilərin üstün gəlməsi mümkün deyil.
Çoxsaylı videolar daxil olmaqdadır. Həmin videolarda azərbaycanlı gənclər müəyyənləşdirdikləri erməni icmalarının lider və fəal üzvlərini döyürlər. Qeyd edək ki, indiyə qədər Dağlıq Qarabağ və ətraf bölgələrdə illərlə döyüşlərin getməsinə baxmayraq, konflikt Güney Qafqazdan kənara çıxmamışdı. Tovuz rayonunun ermənilər tərəfindən xaincə bombalanmasından sonra vəziyyət dəyişib və dünyanın harasında yaşamasından asılı olmayaraq, azərbaycanlılar bu haqsızlığa qarşı etirazlar püskürməyə başlaylblar.
Hətta Rusiyada fəaliyyət göstərən iri miqyaslı biznesmenlər də erməni həmkarları ilə bütün münasibətləri kəsiblər. İlk olaraq bu addımı Tovuz doğumlu, Rusiya prezidentinin dostu professor İlham Rəhimov atıb. O və onun Azərbaycan doğumlu şərikləri məşhur Food Citi bazarından erməniləri qovublar. Onların ardınca daha bir milyarder – Araz Ağalarov analoji addım atıb!
İndi də məlum olur ki, Rusiyada, o cümlədən Ukraynada yaşayan azərbaycanlılar ayağa qalxıb, erməni fəallarını, icma rəhbərlərini cəzalandırırlar. Artıq demək mümkündür ki, Los Anselesin və Brüsselin cavabı verilib.
Rusiyada yaşayan həmvətənlərimizdən xahişimiz budur ki, proses zamanı söyüş söyməsinlər, mümkün qədər zorakılıqdan çəkinsinlər, videoya çəkərkən isə etikadan kənar ifadələr işlətməsinlər.
