Rusiya Qərbə üz tutan Azərbaycana necə təzyiq göstərir?

Postsovet məkanda Rusiyanın nüfuzu zəifləyir. Keçmiş SSRİ süquta uğradıqdan sonra müstəqillik qazanmış yeni respublikalar Kremldən uzaqlaşmaq, Qərbə inteqrasiya etmək yolunu tutublar. Cənubi Qafqaz bu ümumi tarixi prosesin cərəyan etdiyi bölgədir.

AKTUAL TV xəbər verir ki, bunu sabiq xarici işlər naziri Tofiq Zülfüqarov bildirib.

“Gürcüstanın siyasəti, üstqurum olaraq, qərbyönlü olsa da, bu ölkənin bazisini təşkil edən iqtisadiyyatı barədə bunu demək çətindir. Gürcüstan iqtisadiyyatı çox zəifdir və onu Azərbaycan iqtisadiyyatı ilə müqayisə edəndə görünür ki, sonuncu, regionda və elə bütün postsovet məkanında Qərbə ən çox bağlı olan iqtisadiyyatdır (investisiya yatırımının həcmi, layihələr, Avropanın enerji təhlükəsizliyinin təmin olunması, müasir texnologiyalar və s. baxımından). Ermənistanla bağlı vəziyyət isə fərqlidir.Məlumdur ki, Nikol Paşinyan Qərbin layihəsidir və burada əsas məqsəd Ermənistanı Rusiyadan tam ayırmaq və Qərbin tərəfinə keçməsinə nail olmaqdır. Lakin bu strategiyada köklü ziddiyyətlər mövcuddur. Bir tərəfdən, Azərbaycana qarşı işğalı davam etdirən Ermənistan üçün Rusiya hərbi-təhlükəsizlik qarantıdır. Digər tərəfdən, böhrandan çıxmaq üçün Ermənistan artıq Qərbə doğru dönməlidir. Çünki investisiyalar, müasir texnologiyalar Qərbdədir. Və burada ziddiyyət yaranır: Ermənistan təhlükəsizliyi Rusiyadan, investisiyanı isə Qərbdən istəyir. Bu isə mümkün deyil.Yuxarıda göstərilən səbəblər üzündən Rusiyanın Ermənistandan, eləcə də Ermənistanın Rusiyadan uzaqlaşması prosesi müşahidə edilməkdədir. Hər iki ölkənin siyasi və ictimai dairələrində qarşılıqlı və olduqca ağır ittihamlar səslənir. Nəticə etibarilə bu uzaqlaşma baş verəcək.Rusiyadakı bəzi qüvvələr (məsələn, Lavrov qanadı) bu uzaqlaşmanı ört-basdır etmək məqsədi ilə Azərbaycana qarşı informasiya müharibəsinin yeni bir mərhələsinə başlayıblar. Onlar müxtəlif hədə-qorxu xarakterli xəbərlər yayaraq bunların ətrafında ajiotaj yaratmaqla Azərbaycan cəmiyyətində “Rusiya xofunu” bərpa etmək istəyirlər. Qərbə inteqrasiya yolunda qonşularından qat-qat irəli getmiş Azərbaycanı öz təsiri altında saxlamaq üçün Moskva iki yoldan istifadə edir: 1) işğalçı Ermənistanın vasitəsilə təzyiq göstərir; 2) Azərbaycan cəmiyyətində qorxu yaratmağa çalışır ki, Qərbə dönəcəyi təqdirdə, guya Rusiya tərəfindən ciddi cəzalandırılacaq” – deyə Tofiq Zülfüqarov vurğulayıb .

Share on facebook
Share on twitter
Share on linkedin
Share on whatsapp
Share on email
Share on telegram

Şərh yaz

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2020 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]