Cəmi 1 aya xalq orduya fantastik məbləğdə yardım edib

Azərbaycanın işğal altında olan torpaqları azad etmək üçün əks-hücum hərbi əməliyyatlarına başladıqdan sonra Silahlı Qüvvələrə Yardım Fonduna köçürülən ianələrin məbləği açıqlanıb.

AKTUAL TV xəbər verir ki, oktyabrın 1-dən noyabrın 2-dək Fonda 77.906.626,24 AZN, 10.777.425,16 ABŞ dolları, 147.255,19 avro və 5.057.550,00 rubl vəsait daxil olub.

Son bir ay ərzində Fonda təxminən 96 milyon 400 min manatdan artıq vəsait köçürülüb. Fonda yığılan ümumi məbləğ 218 milyon manata yaxındır.

Bu, bir daha  göstərir ki, Azərbaycan xalqı torpaqların azad edilməsi üçün keçirilən əks-hücum hərbi əməliyyatlarını tam qüvvəsi ilə dəstəkləyir və sonadək Azərbaycan dövlətinin, Azərbaycan Ordusunun və Ali Baş Komandanın arxasındadır. Orduya yardım üçün köçürülən vəsaitlər bu dəstəyin əyani göstəricisidir.

Döyüşlər başlayandan bəri xalq yumruq kimi bir olaraq dövləti, dövlət başçısını müdafiə edir. Burada orduya dəstək üçün sahibkarların və sıravi xalqın yardımlaşması da diqqət çəkir. Azərbaycan xalqı Ordusu ilə, Prezidenti ilə, hər bir fərdi ilə həmrəy olaraq işğal altında olan torpaqları azad etməyə davam edir. 

Prezident İlham Əliyevin də bildirdiyi kimi “Biz haqq yolundayıq, yumruq kimi birik. Bizim yumruğumuz, sadəcə olaraq, düşmənin başını yaran yumruq deyil. Bizim yumruğumuz bizim birliyimizdir, xalqımızın birliyidir”.

Şərh yaz

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]