Əhməd İsmayılov: “Jurnalistlərin treninq keçmələrinə ehtiyac var”

Hazırda yerli mediada fəaliyyət göstərən jurnalistlərin treninqlərə ehtiyacı var. Apardığımız monitorinqlər zamanı bu kimi nüanslar öz təsdiqini tapıb.

AKTUAL TV xəbər verir ki, bu barədə Medianın İnkişafı Agentliyinin icraçı direktoru Əhməd İsmayılov “Real tv”yə müsahibəsində məlumat verib.

O bildirib ki, bununla bağlı agentliyə bir çox müraciətlər daxil olub:

“Ötən dövr ərzində Türkiyədən dəvət olunan mütəxəssislərlə birlikdə bir neçə təlimlərimiz keçirilib. Həmin təlimlərdən sonrakı dövrdə aparılan monitorinq göstərdi ki, bu tədbirlərin tez-tez keçirilməsi müsbət nəticələr verəcək”.

Media subyektinin Agentliyə hansı şəkildə müraciət etməsi ilə bağlı suala isə Əhməd İsamayılov belə cavab verib:

“Əgər sırf maliyyə dəstəyindən söhbət gedirsə, müsabiqəsiz birbaşa maliyyə dəstəyi nəzərdə tutulmayıb. Media subyektinə və ya jurnalistlərə hər hansı dəstəyin göstərilməsi zamanı mütləq qaydada ölkə qanunvericiliyinin tələbləri rəhbər tutulmalıdır. Qanunvericilik isə bizə sırf müsabiqəli layihələrin həyata keçirilməsini həvalə edib. Biz müsabiqə qaydalarını, eləcə də müsabiqədə iştirakına icazə veriləcək media subyektləri və jurnalistləri, eyni zamanda müsabiqə qaliblərinin müəyyən olunması istiqamətində kriteriyaları müəyyən etməliyik.

Biz bu kriteriyalar üzərində işləməyə başlamışıq. Ümid edirəm ki, qısa zaman ərzində Media haqqında qanun” layihəsi hazırlanıb təqdim olunacaq. Layihələr təsdiq olunduqdan sonra onların icrasına başlanıla bilər. Yenə qeyd etmək istərdim ki, Medianın İnkişafı Agentliyinin birbaşa məqsədi sadəcə media subyektlərinə maliyyə dəstəyinin göstərilməsi deyil. Agentliyin məqsədi ümumiyyətlə media mühitinin inkişafı və informasiyanın əldə olunma, yayılma prosesinin daha da təkmilləşdirilməsidir. Agentlik olaraq jurnalistlərdən gələn təklifləri və müraciətləri də müzakirə etməyə hər zaman hazırıq”.

Share on facebook
Share on twitter
Share on linkedin
Share on whatsapp
Share on email
Share on telegram

Şərh yaz

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]