Rusiya XİN: “Minsk Qrupu Qarabağ münaqişəsinin həlli üçün əsas prinsiplərin inkişafına mühüm töhfə verib”

Rusiya hesab edir ki, ATƏT-in Minsk Qrupu həmsədrlərinin fəaliyyəti davam etdirilməlidir.

Bu barədə Rusiya Federasiyası Xarici İşlər nazirinin (XİN) müavini Andrey Rudenko TASS-a müsahibəsində deyib.

“Onlar Dağlıq Qarabağ münaqişəsinin həlli üçün əsas prinsiplərin inkişafına mühüm töhfə veriblər, bunların çoxu 2020-ci il 9 noyabr tarixli bəyanatda əks olunub.

ATƏT-in Budapeşt Sammitinin (1994-cü il) qərarlarına uyğun olaraq, Minsk Qrupunun həmsədrlərinə həvalə olunan hərtərəfli siyasi tənzimləməyə nail olmaq vəzifəsi tələb olaraq qalır.

Üçlük güclü beynəlxalq dəstəyə malikdir və status məsələləri də daxil olmaqla sonrakı addımlara qarşılıqlı məqbul yanaşmaların hazırlanmasında faydalı ola bilər. Ancaq vaxtı gələndə, ehtiyatla, tələsmədən”, – deyə o bildirib.

Rusiyanın nazir müavininin sözlərinə görə, ATƏT-in Minsk qrupu ermənilərlə azərbaycanlılar arasında etimad tədbirlərinin gücləndirilməsində fəal ola bilər:

“Vətəndaş cəmiyyəti çərçivəsində dialoqun inkişafı bölgədəki vəziyyətin ümumilikdə yaxşılaşdırılmasına və siyasi yolda gələcək addımlar üçün ilkin şərtlərin yaradılmasına kömək edəcək”.

Bu mövzuda Türkiyə ilə qarşılıqlı əməkdaşlığa toxunan A. Rudenko Moskvanın atəşkəsə nəzarət edən Rusiya-Türkiyə Birgə Monitorinq Mərkəzi çərçivəsində Ankara ilə əlaqələr qurduğunu bildirib.

“Bölgədə Ankara ilə hərbi xətt boyunca birgə fəaliyyətimiz yanvarın 30-dan Ağdamda fəaliyyət göstərən Dağlıq Qarabağ münaqişə bölgəsində atəşkəsə nəzarət edən Rusiya-Türkiyə Birgə Monitorinq Mərkəzi çərçivəsində qurulub.

Belə bir mərkəzin açılmasını bölgədəki vəziyyətin normallaşdırılmasına yönəlmiş birgə səylərin yaxşı nümunəsi kimi qiymətləndiririk”, – deyə Rudenko qeyd edib.

Şərh yaz

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]