Türkiyədə “komendant saatı” tətbiq olunacaq

Türkiyə prezidenti Rəcəb Tayyib Ərdoğanın rəhbərliyi ilə ölkə hökumətinin iclası keçirilib.

“Haber Global”ın məlumatına əsasən, üç saat yarım davam edən toplantıdan sonra dövlət başçısı mətbuata açıqlamalar verib.

O bildirib ki, ölkədə koronavirusla bağlı vəziyyətin kəskinləşməsi fonunda bir sıra məhdudlaşdırıcı tədbirlərin tətbiqi barədə qərar qəbul olunub.

“Əlimizdəki məlumatlar və etdiyimiz araşdırmalara əsaslanaraq qəbul etdiyimiz qərarları bu gün xalqımızla paylaşmaq istərdim. Bütün Türkiyə ərazisində hər gün axşam saat 21-dən səhər saat 5-dək küçəyə çıxma qadağası tətbiq olunacaq.

Qırmızı kateqoriyadan olan bölgələrimizdə şənbə və bazar qadağaları da qüvvədə qalacaq. Ramazan ayı boyunca şənbə-bazar qadağaları bütün ölkəyə şamil olunacaq.

Restoran və kafelərə tutumunun 50%-i qədər müştəri buraxılacaq. Ramazan ayında isə bu obyektlərin yalnız çatdırılma yolu ilə xidmətinə icazə veriləcək. Kütləvi sahur və iftar süfrələri də qadağan olunacaq”, – deyə Ərdoğan bəyan edib.

Şərh yaz

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]