İndi sizləri pulsuz-parasız dinləyirlər, bunun nəyi pisdir ki? – FAZİL MUSTAFA HESAB EDİR Kİ, TELEFONLARIN NƏZARƏTDƏ SAXLANILMASI YAXŞI HALDIR

Milli Məclisin deputatı Fazil Mustafa Azərbaycan hökumətinin ictimai-siyasi fəalları, jurnalistləri  dinləməsi barədə yayılan məlumatlar haqda fikirlərini açıqlayıb.

Gununsesi.info deputatın qeydlərini təqdim edir:

İzraildən yeni texnologiya vasitəsi ilə xeyli tanış simaların dinlənildiyi iddia olunur. Hətta siyahı da dərc olunub. Bir az da təşviş yaranıb. Bir qisim də burada hökuməti suçlamağa başlayıb. Əslində bu özlüyündə çox pozitiv bir faktdır. Hər dəfə üzümüzü insanlara tutub bağırırıq ki, bir dinləyin görək nə deyirik, vecinə alan yox. İndi sizləri pulsuz-parasız dinləyirlər, bunun nəyi pisdir ki? Təki dinləyən olsun, o halda hər kəs sözünə çəki-düzən verəcək, davranışlarına diqqət yetirəcək, cəmiyyətə doğru yolları göstərməyə çalışacaq. Bu məmləkətdə hamı danışır, fəqət dinləyən yoxdur. İndi bu dinləyən də heç olmazsa kənardan tapıldı. Yaxşı ki, adamı beş-on kitab oxumuş yəhudi dinləyir, öz oxumamışlarımız dinləsəydi nə olurdu? Seyid Əzim Şirvani Azərbaycanın ən nəhəng ədəbi dühalarından və maarifpərvərlərindən biri olub. Onu dinləməyə hövsələsi çatmayan dinçi babalarımız vücudunu məscidin qapısına sıxışdırıb, çırpıb öldürmüşdülər. Böyük Sabiri də bir az dinləyəndən sonra bişirdiyi sabunu bazarda almırdılar ki, qoy evdə qız uşaqları acından ölsün. Bu adamların həyatda özləri xoşbəxt olmayıb e, heykəlləri xoşbəxtdir. Dinləmək, dinmək, dindirmək, dingildəmək- hamısının mənbəyində din oturub, yanlış din, antiməhəmməd dini, teatr dini, antiquran dini. Quranı dinləmək istəməyən adamı necə dinlər?
Nə deyim, yüzilliklər boyu olduğu kimi müasir çağda da sözü qoyub lafı dinləyəcəksinizsə, yəhudi də, ingilis də, çinli də sizi dinləyəcəkdir. Və sevinəcəklər ki, hələ də söylədiklərinizdən heç nə başa düşülmür”.

Share on facebook
Share on twitter
Share on linkedin
Share on whatsapp
Share on email
Share on telegram

Şərh yaz

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]