Qarabağdakı separatçılar Ermənistandan taxıl dilənir – NƏ BAŞ VERİR?

Qarabağdakı cinayətkar rejimin nəzarətində olan ermənilər taxıl çatışmazlığı problemi ilə üzləşib.

Aktualtv.az-ın cebhe.info-ya istinadən məlumatına görə, Ermənistan kənd təsərrüfatı nazirinin keçmiş müavini Aşot Arutunyan rəsmi İrəvanı Qarabağdakı ermənilərə taxıl verməyə çağırıb.

Xüsusilə də ərzaq buğdası təminatında yaranmış qıtlıq Rusiya sülhməramlılarının müvəqqəti nəzarət zonasında yaşayan ermənilərin çörək istehlakında çətinliklər yaradıb.

Aşot Arutunyan bildirib ki, 2020-ci ildə baş vermiş müharibədən əvvəl Qarabağ erməniləri özlərini taxılla 100 faiz təmin etdikləri halda indi həmin ərazilərin böyük hissəsinə nəzarətin əldən çıxması ciddi problemlərə səbəb olub.

Qeyd edək ki, 44 günlük müharibədən öncə işğal olunmuş ərazilərdə istehsal edilən taxılla Qarabağdakı ermənilərin ehtiyacı tamamilə, Ermənistanın isə bu məhsula olan tələbatının ən azı 30 faizi ödənilirdi. İndi nisə bu imkanlar Qarabağdakı ermənilərlə yanaşı, Ermənistanın da əlindən çıxıb.

Aşot Arutunyan Ermənistanı Qarabağa taxıl verməyə çağırıb. Lakin Ermənistanın özünün taxıl istehlakında yaranmış maneələrlə əlaqədar Qarabağ ermənilərinə yardım etmək imkanları yoxdur.

Aşot Arutunyanın sözlərinə görə, müharibə nəticəsində Qarabağdakı ermənilər taxıl becərilməsi üçün əlverişli ərazilərin 75 faizini itirib. “Müharibə başlamazdan əvvəl Qarabağda çox böyük həcmdə taxıl becərilirdi. Toxum fondu da daxil olmaqla, özünütəminat 100 faiz təşkil edib, artıq qalanı isə Ermənistana ixrac edilib. 2016-17-ci illərdə Araqatson və Şirak rayonlarının doludan zərər çəkmiş icmaları pulsuz yardım olaraq Qarabağdan 300 tona yaxın toxum alıblar.

Sadə hesablama göstərir ki, bu gün Qarabağ özünü təmin etmək problemi ilə üzləşib. 120 min sakin üçün gündə 383-400 qram çörəyin hesablandığını götürsək, o zaman məlum olar ki, taxılla özünü təmin etmək problemi var. Bu gün Ermənistanın özünü taxılla təminetmə səviyyəsi 21 faziə qədər azalıb. Söhbət buğdadan gedir.

Əgər heç olmasa, Ermənistanda özünü təmin etmək normal səviyyədə olsaydı, mən deyərdim ki, Qarabağa anbarlardan mütləq kömək etmək lazımdır. İndi də onlar (hakimiyyət-red.) məsələni həll etmək üçün gecələr yatmamağa borcludurlar. Biz deyəndə ki, hər şey dövlət üçün pis və fəlakətlidir, bu, təkcə belə deyil”, – Arutyunyan belə deyib.

Ermənistan sosial mediasında yayılan məlumata görə, 2021-ci ildə Qarabağda (Rusiya sülhməramlılarının müvəqqəti nəzarət zonası nəzərdə tutlur) ümumi taxıl yığımı təqribən 13,3 min ton təşkil edib. Ərzaq buğdası istehsalı təxminən 8,4 min ton, arpa – 3,5 min ton, qarğıdalı – 330 ton, taxıl – təxminən 1,1 min ton təşkil edib. 2019-cu ildə, yəni müharibədən bir il əvvəl işğal olunmuş ərazilərdə 60 min 600 ton payızlıq və yazlıq buğda istehsal edildiyi xəbər verilir.

Şərh yaz

Sizin reklam burada

Reklam yerləşdirmək üçün əlaqə:

+994 70 650 05 60

[email protected]

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]