Böyük Zəfər ili Azərbaycan diasporu üçün böyük sınaq və qələbə ili olmuşdur. Vətən müharibəsi dövründə xaricdəki soydaşlarımız yaşadığı ölkələrdən, çalışdığı yerlərdən asılı olmayaraq, milli birlik nümayiş etdirərək bütün imkanları ilə dövlətimizə dəstək oldular. Bizdə “Beneluks Azərbaycanlıları Konqresi “ olaraq Diaspora Komitəsi ilə sıx şəkildə kordinasiyalı çalışaraq var gücümüzlə dövlətimizin və ordumuzun yanında olduq. Bütün bu illər ərzində doğma Diaspora Komitəsinin gördüyü işləri yüksək qiymətləndiririk. Bizlər dünyanın harasında yaşamağımıza baxmayaraq çox işlər görməliyik ki, Azərbaycan diasporu hər zaman güclu olsun . İqtisadi cəhətdən daha da möhkəmlənsinlər,yaşadıqları ölkələrin ictimai-siyasi həyatında fəal iştirak edə bilsinlər. Yaşayıb-yaratdıqları ölkələrdə öz təsir imkanlarını genişləndirə bilsinlər. Beləliklə də Beynəlxalq müstəvidə də Azərbaycanın müstəqilliyini, onun xarici siyasətini təbliğ etməklə yanaşı, Azərbaycanın haqlı mövqeyini dünyaya çatdırılmasında öz imkanlarını səfərbər etsinlər. Hesab edirəm ki, bütün dünya Azərbaycanlıları yalnız bu yolda İlhamla irəliyə doğru getməlidir.
Diasporla İş üzrə Dövlət Komitəsinin yaradılmasının 20 illiyi yubileyi münasibətilə Komitə sədri Fuad Muradov başda olmaqla bütün zəhmətkeş kollektivini ürəkdən təbrik edirəm.
Dərin hörmətlə,
Benilüks Azərbaycanlıları Konqresinin sədri Elsəvər Məmmədov
