“Kişiliyin çatırsa, zəng edəndə telefona cavab ver” – Video

Aparıcı Sərxan Kərəmoğlu ilə müğənni Rəqsanə İsmayılovanın həyat yoldaşı Fazil Əmiraslanov arasında qalmaqal yaşanır. 

Aktualtv.az xəbər verir ki, buna səbəb Sərxanın Aysun İsmayılovanın evliliyini oyun adlandırması olub. 

Sərxan “MTV maqazin”ə açıqlamasında bu sözləri deyib: “Bu evliliyə inanmadım. Aysunun yanındakı bəyə inanmadım. Bilmirəm, kim kimin oyununa gəlib, amma başdan ayağa oyun idi. Bu oyuna inanan da axmaq idi. Aysun bir ad xatirinə evlənmiş olsaydı, davam edərdi, uşaq dünyaya gətirərdi və ayrılardı. Aysunda biclik yoxdur. Aysunun ağlı olsaydı, bu addımı atardı. Onsuz da şou-biznesdəkilər uşaq və ərə getmə adı xatirinə ərə gedir. Başqa istəyənə rahatlıqla razılıq versin. Aysun o biclikləri etsəydi, ana olardı. Şam ola, müqəddəs ola, rəhmətə gedərəm, yenə də Rəqsanənin bir kəlməsinə inanmaram”.

Daha sonra Sərxan videoaçıqlama yayaraq Fazilin onu təhqir etdiyini bildirib: “Rəqsanə ilə heç bir problemim yoxdur. Ədavətim onun həyat yoldaşı Fazillədir. Fazil, sən məni təhqir və təhdid etmisən. Ot olub yerdən çıxmışam? Siz nə danışırsınız? Qorxdum… Fazil, səni Moskvada gözləyirəm. Kişiliyin çatırsa, zəng edəndə telefona cavab ver. Vatsapda söyüb telefonu bağlama. Söyüş söymək acizlik, savadsızlıq, avamlıqdır və qorxaqlıqdır”.

Sərxan, həmçinin məhkəməyə müraciət etdiyini əks etdirən ərizəni yayımlayıb. 

Qeyd edək ki, Aysun və Eşqin iyunda ailə qurub. Bir müddət əvvəl isə onlar instaqramda birlikdə olan fotolarını siliblər və bir-birini izləmədən çıxarıblar. Lakin cütlük ayrılıq xəbərlərini rəsmi olaraq təsdiqləməyib.

Şərh yaz

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]