“Aktualtv.az” xəbər verir ki, bu barədə “Palmali” Şirkətlər Qrupunun İctimaiyyətlə Əlaqələr departamentinin rəhbəri Fidan Quliyeva öz feysbuk hesabında bildirib:
Möhtəşəm xəbər! İstanbulun mərkəzində Qarabağ Şəhidlərinin adını daşıyan park salınacaq. “Palmali Holding”in qurucusu, azərbaycanlı iş adamı Mübariz Mənsimov Beşiktaş Bələdiyyəsinin rəhbərliyi ilə bununla bağlı danışıqlar aparıb və razılıq əldə edilib. Hal-hazırda layihəni həyata keçirmək üçün Beşiktaşda uyğun yer axtarılır. Xatırladaq ki, bundan əvvəl İstanbulda Heyder Əliyev adına və Azərbaycan-Türkiyə qardaşlıq parkları məhz Mübariz Mənsimov tərəfindən salınıb. Vurğulamaq lazımdır ki, Beşiktaş İstanbul şəhərinin ən dəyərli, prestijli, strateji və ən mərkəzi bölgəsi sayılır.
