Parlamentdə Fransa Korsika ilə “vuruldu”: BMT Təhlükəsizlik Şurasında müzakirəyə çıxarılsın

“Heç kimin ixtiyarı yoxdur ki, ümumbəşəri dəyərləri özününküləşdirsin və demokratiya adı altında digərlərinə dərs keçsin”. 

Bunu Milli Məclisin iclasında deputat Səməd Seyidov Fransanın Azərbaycana qarşı verdiyi bəyanatlara münasibət bildirərkən deyib. 

Millət vəkili qeyd edib ki, Fransa insanlıq əleyhinə bütün cinayətlərdə hədləri aşıb. 

“Bu gün Fransa öz siyasətinin davamı olaraq Korsikada güc tətbiq edir, aksiya iştirakçılarına işgəncələr verilir. 

Biz Fransaya çağırış edirik ki, Korsikada insan hüquqlarına hörmətlə yanaşsın. Təklif edirik ki, bu məsələ BMT Təhlükəsizlik Şurasının iclasında da qaldırılsın”, – deyə o əlavə edib.

Bildirək ki, rəsmi Paris Azərbaycan-Ermənistan münasibətlərinin tənzimlənməsində İrəvanın mövqeyindən çıxış edən bəyanatlar verir. 

Xatırladaq ki, Korsika adasında Fransa hökuməti əleyhinə mitinqlər keçirilir. Fransanın erməniləri dəstəklədiyi təqdirdə, müstəqillik üçün nümayişlər edən korsikalıları həbs etməsi Fransada etirazlar yaradıb. 

Fransa Korsikanın müstəqilliyini tanımaqdan imtina edir. 

Şərh yaz

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]