Xameneidən hicabla bağlı tarixi qərar

İranın Ali Rəhbəri Əli Xamenei ölkədə qadınların hicab taxması barədə sərt qaydalarla bağlı mövqeyini yumşaldıb.

Aktualtv.az “IRNA” agentliyinə istinadən xəbər verir ki, Xamenei mədəni, ictimai və elmi sahələrdə fəaliyyət göstərən bir qrup qadınla görüşü zamanı bu barədə danışıb.

Onun sözlərinə görə, İranda tələb edildiyi kimi, hicabla saçlarını tam örtməyən qadınları dinsizlikdə və inqilaba qarşı olmaqda ittiham etmək olmaz.

“Hamımız çatışmayan cəhətlərə sahibik, bunları mümkün olduğu qədər aradan qaldırmalıyıq. Hicabı düzgün geyinməyən qadınlar yenə də bizim qızlarımızdır”, – deyə Xamenei bildirib.

Qeyd edək ki, ötən ilin sentyabrında 22 yaşlı Məhsa Əmininin hicabını düzgün taxmadığı iddiası ilə əxlaq polisi tərəfindən zorakılığa məruz qalması və dünyasını dəyişməsindən sonra İran rəhbərliyi bir çox ölkələr tərəfindən tənqid olunub. Bir çox qurum və təşkilatlar İranı qadınların hüquq və azadlıqlarını təmin etməyə çağırıb. Qadınlar ölkə rəhbərliyinin qadınlara qarşı sərt siyasətinə qarşı etiraz aksiyalarına başlayıb. Xüsusilə də, aksiyalarda qadınların sözügedən qaydalara etiraz olaraq öz baş örtüklərini açdıqlarını, ictimai yerlərdə hicabsız gəzdiklərini görmək mümkün olub.

Şərh yaz

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]