BƏƏ və Qazaxıstan 9 əməkdaşlıq sazişi və anlaşma memorandumu imzalayıb – ÖZƏL

Birləşmiş Ərəb Əmirlikləri (BƏƏ) ilə Qazaxıstan arasında müxtəlif sahələrdə 9 əməkdaşlıq sazişi və anlaşma memorandumu imzalanıb.

Aktualtv.az xəbər verir ki, BƏƏ prezidenti Şeyx Məhəmməd bin Zayed Əl Nəhyan bu ölkədə rəsmi səfərdə olan Qazaxıstan prezidenti Kasım Cömert Tokayev ilə paytaxt Əbu-Dabidəki Əl-Vətən sarayında görüşüb.

Görüş zamanı iki ölkə arasında əməkdaşlıq əlaqələrinin inkişaf etdirilməsi və müxtəlif sahələrdə daha geniş üfüqlərə çıxarılması yolları və bir sıra ümumi əhəmiyyət kəsb edən məsələlər müzakirə edilib.

Görüş zamanı iki ölkə arasında əməkdaşlıq yolları və onların investisiya, iqtisadiyyat, inkişaf və bərpa olunan enerji kimi müxtəlif sahələrdə şaxələndirilməsi imkanları da nəzərdən keçirilib, iki ölkə arasında əməkdaşlığın inkişaf etdirilməsi və əlaqələrin möhkəmləndirilməsini nəzərdə tutan 9 anlaşma memorandumu imzalanıb. ölkələr arasında enerji, səhiyyə, nəqliyyat, təhsil, limanlar və investisiya sahələrində müqavilə imzalanıb.

Bin Zayed bildirmişdir ki, 1992-ci ildə diplomatik münasibətlərin qurulmasından keçən 30 ildən artıq müddətdə iki ölkə arasında münasibətlər güc və qarşılıqlı anlaşma ilə ön plana çıxmışdır.

İki ölkə arasında bərpa olunan enerji sahəsində səmərəli əməkdaşlığın olduğunu qeyd edən Bin Zayed 2021-ci ildə bu sahədə təxminən 6 milyard dollarlıq müqavilələrin imzalandığına diqqət çəkib.

Qazaxıstan prezidenti Tokayev də BƏƏ-nin Qazaxıstan üçün Yaxın Şərq və ərəb dünyasında mühüm strateji tərəfdaş olduğunu bildirib.

Tokayev BƏƏ ilə Qazaxıstan arasında konstruktiv tərəfdaşlıq və güclü siyasi dialoqun olduğunu və bu səfərin iki ölkədə yeni layihələrə fayda verəcəyini bildirib.

İki ölkə arasında imzalanan müqavilələr arasında Abu Dhabi Ports Group (AD Ports Group) ilə Qazaxıstanın dövlət neft-qaz şirkəti olan KazMunayQaz arasında imzalanmış “strateji tərəfdaşlıq” sazişi də var.

Şərh yaz

Sizin reklam burada

Reklam yerləşdirmək üçün əlaqə:

+994 70 650 05 60

[email protected]

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]