Fransada pensiya yaşının artırılmasına qarşı etirazlar başladı

Bu gün Fransada pensiyaya çıxma yaşının 64-ə qaldırılmasına qarşı etiraz aksiyaları başlayıb.

Aktualtv.az “Ouest-France”a istinadən xəbər verir ki, nəqliyyat, energetika, təhsil və digər bir çox sahələrin işçiləri sözügedən aksiyaya qoşulub.

Ümumilikdə bütün Fransa ərazisində, xüsusilə də 250-yə yaxın şəhərdə etiraz aksiyalarının keçiriləcəyi gözlənilir.

Aksiyalarla əlaqədar olaraq, ölkə sakinlərinə dəmiryolu, metro və yerüstü nəqliyyatın işində problemlərin müşahidə ediləcəyi ilə bağlı xəbərdarlıq edilib. Aksiyalar, həmçinin hava nəqliyyatına da təsirsiz ötüşməyəcək. 

Etirazlar zamanı ictimai asayişi qorumaq üçün 10 mindən çox polis və jandarm cəlb olunub. 

Qeyd edək ki, ölkənin Baş naziri Elizabet Born yanvarın 10-u Fransanın pensiya islahatlarının əsas istiqamətlərini təqdim edib. Fransa hökuməti isə sözügedən islahatı 2023-cü il sentyabrın 1-dən tətbiq etməyi planlaşdırır. Hökumətin planına əsasən, ölkədə pensiya yaşı ildə 3 ay olmaqla 62-dən 64-ə qədər artırılacaq və bu proses 2030-cu ilə qədər davam edəcək.

Şərh yaz

Sizin reklam burada

Reklam yerləşdirmək üçün əlaqə:

+994 70 650 05 60

[email protected]

AKTUAL TV

YouTube Kanalımıza Abunə olaraq ən son videolar barədə xəbərdarlıq mesajı alın!

VİDEO ÇƏK GÖNDƏR!

Maraqlı və önəmli hesab etdiyiniz hadisələri videoya çəkərək Bizə göndərə bilərsiniz.

Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.

© 2021 Aktual TV. Müəllif hüquqları qorunur.

Bizimlə Əlaqə: +994 70 650 05 60 | [email protected]