Ukrayna Müdafiə Nazirliyi ərzaq məhsullarının alınmasında korrupsiya faktlarını inkar edir.
Aktualtv.az xəbər verir ki , Ukrayna Müdafiə Nazirliyi bildirib ki, Ukrayna Silahlı Qüvvələri üçün ərzaq məhsullarının şişirdilmiş qiymətlərə alınması ilə bağlı daha əvvəl KİV-də yayılan xəbərlər doğru deyil, lakin daxili yoxlama aparılacaq.
Şənbə günü Ali Radanın Milli Təhlükəsizlik, Müdafiə və Kəşfiyyat Komitəsinin sədr müavini Maryana Bezuqlaya bildirib ki, komitə daxil olan hesabatlarla əlaqədar Müdafiə Nazirliyinin rəhbərliyini dinləməyi planlaşdırır.
“İctimaiyyətdə yayılan ərzaq məhsullarının satın alınması ilə bağlı məlumatlar qəsdən manipulyasiya edilir və insanları çaşdırmaq niyyəti güdür. Müdafiə Nazirliyi Ukrayna Təhlükəsizlik Xidməti üçün materiallar hazırlayır. Ölkənin müdafiəsinin mənafeyinə xələl gətirən, yalan məlumatların yayılması xüsusi olaraq araşdırılmalıdır”, – Müdafiə Nazirliyinin Telegram kanalında dərc olunan mesajda deyilir.
Departament həmçinin daxili audit elan edib. “İctimai rezonans doğuran hallarla bağlı məlumatların təqdim edilməsinin məzmunundan və xarakterindən asılı olmayaraq daxili audit aparılır. İctimai iaşə məhsullarının satınalma prosesi ilə bağlı da daxili audit aparılacaq. Bu halda Müdafiə Nazirliyinin vəzifəli şəxslərinin fəaliyyətində yol verilmiş qanun pozuntularına görə onlar qanunla müəyyən edilmiş qaydada məsuliyyətə cəlb olunacaqlar”, – məlumatda deyilir.
