Ukrayna müharibəsində Kiyevə dəstək üçün tanklar göndərməyi planlaşdıran Makron Qərbi Afrikadan gələn xəbərlə sarsılıb. Ölkədə soyuq duş effekti yaradan inkişafdan sonra Fransa liderindən flaş açıqlama gəlib.
Fransa Qərbi Afrikadan gələn xəbərlərdən sarsıldı.
Aktualtv.az xəbər verir ki, Fransaya düşmənçiliyinin artdığı ölkədən inanılmaz bir hərəkət gəlib. 2018-ci ildə Parislə imzalanmış hərbi müqaviləyə xitam verildiyi və Fransa hərbçilərinə ölkəni tərk etmələri üçün 1 ay vaxt verildiyi bildirilib.
Burkina Fasonun milli yayım şirkəti RTB-nin dünyaya elan etdiyi xəbərdən sonra ilk açıqlama Fransadan gəldi.
MAKRON SÜKÜTÜ POZDU
Fransa prezidenti Makron məsələyə aydınlıq gətirilməli olduğunu vurğulayıb. Fransa lideri Burkina Fasonun yeni xunta liderinin izahatlarını gözlədiyini bildirib.
RTB tərəfindən açıqlanan vəziyyətlə bağlı “Məncə, çox diqqətli olmalıyıq” deyən Makrondan diqqətəlayiq bir Rusiya xəbərdarlığı gəlib.
Makron Rusiyanın mümkün müdaxiləsi və məlumatlarının “manipulyasiya edilməməsi”nin təmin edilməsinin vacibliyini vurğulayıb.
Traorenin sentyabrda hakimiyyəti ələ keçirməsindən sonra keçmiş Fransa müstəmləkəsi Burkina Fasoda Fransa əleyhinə əhval-ruhiyyənin artdığına işarə edən KİV-lər, ölkədəki son vəziyyətlə bağlı belə bir qiymətləndirmə etdi;
“Traore digər ölkələrlə, xüsusən də Rusiya ilə işləməyə daha açıqdır”.
Fransa 2013-cü ildən bəri mövcud olduğu Malidəki mövcudluğunu ötən il dayandırıb.
Fransa ordusu 9 illik işğaldan sonra Malini tamamilə tərk edib.
