“Konstantin Zatulin Rusiyanın yüksək məqamında ifrat ermənipərəstliyi və anti-Azərbaycan düşüncələri ilə seçilib. Bu gün onun Ermənistan hakimiyyəti əleyhinə fikirləri ilk növbədə gülüş doğurur”.
Bu fikirləri Aktualtv.az-a açıqlamasında Türküstan Media Qrupunun rəhbəri Aqil Camal söyləyib.
Aqil Camal bildirib ki, Zatulin və onun Rusiyadakı ermənipərəst fikirdaşları bu gün Ermənistanın davranışlarından hiddətlənməklə, əslində indiyəqədərki fəaliyyətlərinin puç olduğunu etiraf etmiş olurlar:
“Bu gün Paşinyan Rusiyanın Ermənistan və ermənilər üçün bütün tarixi xidmətlərini unudaraq Qərbyönümlü kurs götürüb. Avropa İttifaqı müşahidəçilərinin uzun müddətə ölkədə yerləşdirilməsi haqda qəbul edilən qərarlar buna sübutddur”.
Aqil Camal əlavə olaraq qeyd edib ki, Rusiya Zatulinlərin simasında artıq Ermənistanda uduzub. Çünki, onlar ermənilərin necə etibarsız bir toplum olduqlarını hesablamamışdılar.