Rusiya prezidenti Vladimir Putin Belarusla iki ölkənin əsgərləri üçün müştərək təlim mərkəzinin yaradılması istiqamətində işə başlamaq barədə göstəriş verib.
Aktualtv.az xəbər verir ki, Rusiya Dövlət Hüquq İnformasiya Sistemi internet portalında Putin hökumətin tövsiyəsi ilə Rusiya və Belarus arasında birgə hərbi təlim mərkəzinin yaradılması haqqında qərar imzalayıb.
Müvafiq olaraq, Rusiya Xarici İşlər Nazirliyinin iştirakı ilə Rusiya Müdafiə Nazirliyinə Belarus tərəfi ilə iki ölkənin əsgərlərinin təlimi üçün mərkəzin yaradılması üçün danışıqlar aparmaq və razılıq əldə etmək tapşırılıb.
Belarus tərəfinin layihə üzrə razılığa gəldiyi təlim mərkəzlərindən ikisinin Belarusda, birinin isə Rusiyada yaradılması nəzərdə tutulur.
elarus Müdafiə Nazirliyinin bəyanatına görə, Belarus Silahlı Qüvvələri və Rusiya Silahlı Qüvvələrinin birgə regional güc hərbi birləşmələri bu gündən etibarən birgə qərargah təlimlərinə başlayacaq.
Həftə ərzində iki ölkənin hərbi idarələrinin rəsmiləri son illər silahlı münaqişələrdə əldə etdikləri təcrübəyə əsaslanaraq hərbi hissələrin istifadəsinin birgə planlaşdırılması məsələlərini müzakirə edəcəklər.
Bundan başqa, bildirilib ki, Belarus Silahlı Qüvvələri və Rusiya Silahlı Qüvvələrinin birgə regional güc aviasiya bölmələrinin birgə taktiki-uçuş təlimi davam edir. Təlim fevralın 1-də başa çatacaq.
Rusiya prezidenti Putin və Belarus prezidenti Aleksandr Lukaşenko 2022-ci ilin oktyabrında Rusiya-Belarus İttifaqı dövlətinin sərhədlərində gərginliyin artması zəminində iki ölkənin hərbi birləşmələrindən ibarət birgə regional güc yaradıblar.
Belarus Müdafiə Nazirliyi yanvarın 6-da Rusiya-Belarus müştərək regional gücünün müdafiə missiyasına hazır olduğunu açıqlayıb və gələcəkdə birgə regional hərbi birləşmələrin təkmilləşdirilməsi üçün müxtəlif birləşmələr səviyyəsində işlərin davam etdiriləcəyini bəyan edib.
Murad Həsənov /aktualtv.az
