“Mən faktiki olaraq ölüm hökmü almışam” – Saakaşvili – Özəl

Tbilisi şəhər məhkəməsi Gürcüstanın eks-prezidenti Mixail Saakaşvilinin müdafiəçilərinin səhhətinə görə həbsdən azad olunması tələbini rədd edib.

Aktualtv.az xəbər verir ki, vəkil Şalva Xaçapuridze Saakaşvilinin azadlığa buraxılması ilə bağlı işin Avropa İnsan Haqları Məhkəməsinə göndəriləcəyini bildirib. Qeyd edib ki, hakim Giorgi Arevadzenin qəbul etdiyi qərar siyasi mahiyyət daşıyır və mübarizəni dayandırılmayacaqlar.

Həbsdə olan eks-prezident Mixail Saakaşvili də açıqlama verib. O, barəsində iki aya yaxın davam edən məhkəmə prosesini zarafat adlandırıb. Əlavə edib ki, faktiki olaraq ölüm hökmü alıb.

Büllur Məmmədova / aktualtv.az