Sosial şəbəkələrdə şəhid atasının əsassız yerə 43 saat polis bölməsində saxlanılması ilə bağlı məlumat yayılıb.
Yayılan fotonun gecə saat 2 radələrində Sabunçu Rayon Polis İdarəsinin 12-ci Polis Bölməsində çəkildiyi, şəhid atasının 43 saat polis bölməsində saxlanıldığı iddia olunub.
Daxili İşlər Nazirliyindən (DİN) verilən məlumata görə, həmin vətəndaş barəsində olan şikayət əsasında polis bölməsinə dəvət edilib. O, izahatı alındıqdan sonra sərbəst buraxılıb.
Həmçinin qeyd olunub ki, şəhid atasının 43 saat bölmədə saxlanılması ilə bağlı iddialar əsassızdır.
