Fevralın 6-da baş verən zəlzələ Türkiyə iqtisadiyyatına 84 milyard dollardan çox ziyan vura bilər.
Aktualtv.az xəbər verir ki, bu barədə “Bloomberg”, Sahibkarlar Konfederasiyasının və respublikanın işgüzar dairələrinin nümayəndələrinin hesablamalarına istinadən məlumat yayıb. Bildirilib ki, Türkiyədə iki güclü zəlzələnin milli iqtisadiyyata 84 milyard dollardan çox və ya ÜDM-in təxminən 10%-i həcmində zərər vura biləcəyi gözlənilir.
Məlumata görə, yaşayış binalarına dəyən ziyan 70,8 milyard dollar təşkil edib. Bundan başqa, zəlzələlərin nəticələri ölkə büdcəsinin gəlirlərinin 10,4 milyard dollar azalmasına səbəb olacaq. Daha 2,9 milyard dollarlıq zərər Türkiyə iqtisadiyyatına işçi qüvvəsi itkisinə görə dəyəcək.
