Ermənistanın Baş Prokurorluğu hərbi hissədə yanğınla bağlı mühəndis xidməti rəisi barədə cinayət işi başladıb.
Aktualtv.az xəbər verir ki, ölkənin Baş Prokurorluğunun yaydığı məlumata görə, qərar Ermənistan cinayət məcəlləsinin insanın ölümü ilə nəticələnən peşə səhlənkarlığı maddəsinə əsasən verilib. Şəxsin hərbi hissədə yanğın təhlükəsizliyi məsələlərindən də məsul olduğu vurğulanır.
Qeyd edək ki, yanvarın 19-da Göyçə mahalının Ağkilsə kəndi ərazisində mühəndis bölüyünün kazarmasında yanğın baş verib. Nəticədə 15 nəfər ölüb.
Səbinə Kərimova / aktualtv.az
