Zəlzələlərdə dağılan binalarla əlaqədar 131 nəfər həbs edilib – Özəl

Türkiyədə “əsrin fəlakəti” olaraq xarakterizə edilən zəlzələlərdə dağılan binalarla bağlı məsuliyyətli şəxslər və pozuntulara yol verən 131 şübhəli həbs edilib.

Aktualtv.az xəbər verir ki, bu günə qədər zəlzələlərdə dağılan və ya zona dəyişikliyinə zidd olan tikililərlə bağlı prokurorluq tərəfindən başladılan araşdırmalarda 430 şübhəli məsuliyyətə cəlb edilib.

Saxlanılan şübhəlilərdən 131-i həbs edilib, 127-si barəsində məhkəmə nəzarəti tədbirlərinin həyata keçirilməsi qərara alınıb.

Baş Prokurorluğun əmri ilə 17 nəfər hələ də həbsdə olsa da, şübhəlilərdən 11-nin həyatda olmadığı, 5-nin xaricdə olduğu müəyyən edilib, 54 nəfərin isə ifadə verdikdən sonra sərbəst buraxılıb.

Murad Həsənov / aktualtv.az