Ukrayna aprelin əvvəlinə kimi Qərbin vəd etdiyi tankların dörddə birindən azını alacaq.
Aktualtv.az xəbər verir ki, bu barədə Böyük Britaniyanın “Sandey Tayms” qəzeti məlumat yayıb. Vurğulanıb ki, Kiyev aprelə kimi 320 tank alacağını gözləyir və Qərb dövlətləri bunun bölgədəki vəziyyəti dəyişmək üçün kifayət etməyəcəyindən ehtiyat edirlər.
Belə ki, “Sandey Tayms” qəzetinin yazdığına görə, Böyük Britaniya mart ayında cəmi dörd “Challenger 2”, Portuqaliya isə üç “Leopard 2” tankı göndərəcək. Bu arada Polşa yaxın vaxtlarda 14 “Leopard 2” tankı göndərməyi planlaşdırır. Ancaq Almaniyadan gələn Leopard batalyonunun yalnız yarısı hazırdır. Tank təchizatı Norveç və Finlandiyadan da gözlənilir.
Etibar Məmmədov / aktualtv.az
