Birləşmiş Millətlər Təşkilatının (BMT) baş katibi Antonio Quterreş düşüncələrinin yeni zəlzələlər yaşayan Türkiyə və Suriya xalqının yanında olduğunu bildirib və BMT-nin əlavə yardım göstərməyə hazır olduğunu açıqlayıb.
Aktualtv.az xəbər verir ki, Quterreş Hatayın Defne rayonunda baş verən 6,4 bal gücündə zəlzələdən sonra sosial media hesabından mesaj paylaşıb.
BMT qruplarının vəziyyəti yerində qiymətləndirdiyini qeyd edən Quterreş, “Lazım olarsa, əlavə yardım etməyə hazırıq” deyib.
Qeyd edək ki, Fövqəladə Hallar Agentliyi (AFAD) fevralın 20-də saat 20:04-də Hatayın Defne rayonunda 6,4 bal gücündə iki, saat 20.07-də isə Samandağ rayonunda 5,8 bal gücündə zəlzələ baş verdiyini açıqlayıb. Zəlzələ Suriya, İordaniya, İraq, Fələstin, İsrail və Misirdə də hiss olunub.
Səbinə Kərimova / aktualtv.az
