Almaniyanın xarici işlər naziri Annalena Berbokun sözlərinə görə növbəti günlər həm Ukraynadakı müharibə, həm də ümumilikdə dünyanın gələcək inkişafı üçün həlledici olacaq.
Aktualtv.az xəbər verir ki, xanım nazir Nyu-Yorkdakı görüşü “keçən ilin yekunu” adlandırıb. Məsələ burasındadır ki, ötən ilin martında BMT Baş Assambleyasının qətnaməsi üzrə səsvermədə əksər ölkələr Rusiyanın başlatdığı müharibəni pisləyib. Berbokun fikrincə, yalnız az bir qisim “Rusiyadan çox asılı olduqları üçün” səsvermədə fərqli mövqe nümayiş etdirib.
Xatırladaq ki, dünya liderləri müharibəni dayandırmaq üçün Vladimir Putinə müraciət etməyə hazırlaşır. Almaniya Xarici İşlər Nazirliyi vətəndaşlarına Rusiyaya səfər etməmək barədə xəbərdarlıq da edib və Rusiyadakı vətəndaşlarını yaxın günlərdə ehtiyatlı olmağa çağırıb. Qeyd olunub ki, BElqrad, Kursk, Bryansk, Voronej, Rostov və Krasnodara getmək təhlükəlidir.
Etibar Məmmədov / aktualtv.az