Fransa prezidenti Emmanuel Makron Türkiyə prezidenti Rəcəb Tayyib Ərdoğanla görüşünün təfərrüatlarını türkcə paylaşaraq açıqlayıb.
Aktualtv.az xəbər verir ki, Makron rəsmi Tvitter hesabında prezident Ərdoğanla görüşünün təfərrüatlarını paylaşıb.
Görüşün təfərrüatları ilə bağlı məlumat verən Makron, “Prezident Ərdoğanla Ukraynadakı müharibə ilə bağlı fikir mübadiləsi apardıq. Ukraynanın qalib gəlməsi üçün dəstəyimizi daha da gücləndirməliyik. Rusiyaya qarşı təzyiqləri artırmalıyıq ki, onların hücumu dayandırmasına səbəb olaq”- paylaşımını edib.
Türkiyədəki zəlzələlərdən sonra Fransanın dəstəyinə toxunan Makron, “Türkiyədə baş verən zəlzələdən bir neçə saat sonra mülki təhlükəsizlik qüvvələrimiz axtarış-xilasetmə işlərinə başladı. Gölbaşıdakı səhra xəstəxanamız hər gün yüz yaralıya qulluq edir. Prezident Ərdoğan bildirib ki, biz tam səfərbər və həmrəylik içində olmağa davam edirik. Mən də təsdiqlədim”- deyib.
Murad Həsənov / aktualtv.az
