Ukraynada 12 aylıq müharibə zamanı Rusiya Federasiyası bütün ordularını itirdi. İndi Rusiya Federasiyasının bu resursları yoxdur.
Aktualtv.az xəbər verir ki, Forbes hesab edir ki, Rusiya müharibəyə 114,4 milyard dollar (ayda təxminən 10 milyard dollar) xərcləyib – bu, Rusiyanın 2021-ci il büdcəsinin bütün gəlirlərinin üçdə biri deməkdir.
Bu pulun böyük hissəsi ordunun ehtiyaclarının ödənilməsinə xərclənib – ildə 36 milyard dollar. Daha 24,7 milyard dollar maaşlara, 29,1 milyard dollar isə xəsarət alanlara və onların ailələrinə təzminat ödənilməsinə yönəldilib.
Eyni zamanda, Rusiya üçün əsgər itkisi də fəlakətli həddə çatıb. Baş Qərargahın məlumatına görə, 2023-cü il yanvarın 24-dən fevralın 24-dək 23 680 rus əsgəri öldürülüb. Bu, ötən ilin yayında Rusiya Federasiyasının orta itkilərindən dörd dəfə çoxdur.
Səbinə Kərimova / aktualtv.az
