Serbiya prezidenti Aleksandar Vuçiç deyib ki, Kosovonun müstəqilliyini tanımağa və BMT-yə üzv olmasına icazə verməyə hazır deyil.
“Mən Kosovonun BMT-yə qəbulu və qarşılıqlı tanınması haqqında danışmaq istəmirəm”, – Serbiya lideri RTS milli televiziyasında xalq qarşısında çıxışında deyib. O, Fransa prezidenti Emmanuel Makron və Almaniya kansleri Olaf Şolz da daxil olmaqla, dəfələrlə bu məsələnin müzakirə olunduğunu deyib. “Mən prezident olduğum müddətdə Kosovonun BMT-yə üzvlüyünü və Kosovonun rəsmi və ya qeyri-rəsmi tanınmasını qəbul etməyəcəyəm”, – Vuçiç bildirib.
Aİ tərəfindən hazırlanan “Kosovo və Serbiya arasında münasibətlərin normallaşdırılması haqqında saziş” Kosovonun müstəqilliyinin faktiki olaraq tanımasını tələb edir. Aİ Xarici İşlər Nazirliyinin bazar ertəsi yaydığı sənədin mətninə pasportların qarşılıqlı tanınması, Serbiyanın Kosovonu dünya səhnəsində təmsil etməkdən imtinası, diplomatik nümayəndəliklərin dəyişdirilməsi, həmçinin hüquqi öhdəliklər daxildir. Tərəflər “münasibətlərin hərtərəfli normallaşması” üçün çalışacaqlar.
Qeyd edək ki, Serbiyanın Kosovo və Metohiya Muxtar Vilayəti 2008-ci ildə müstəqillik elan edib və bu yaxınlarda beynəlxalq təşkilatlara üzv olmağa çalışıb. Rusiya, Hindistan və Çin də daxil olmaqla, BMT-nin 193 ölkəsinin yarıdan çoxu Kosovonun tanınmasına qarşıdır. Kosovonun müstəqilliyini 27 ölkədən 5-i tanımır
Səbinə Kərimova / aktualtv.az
