Türkiyədəki təbii fəlakət ən azı 46 min insanın ölümünə səbəb olub.
Aktualtv.az xəbər verir ki, Dünya Bankının məlumatına görə, ölkəyə dəyən zərərin 34 milyard dollara bərabər olduğunu qeyd edib. Türkiyə Müəssisə və İş Konfederasiyası isə fəlakətin ümumi ziyanını 84,1 milyard dollar səviyyəsində qiymətləndirir. Bunun da ən böyük hissəsi, yəni 70,8 milyard dolları mənzil itkisi, 10,4 milyard dollar milli gəlir və 2,91 milyard dollar iş günü itkisi olaraq qiymətləndirir.
Fevralın 6-da baş verən zəlzələdən ən çox zərər çəkən vilayətlər Türkiyə əhalisinin təxminən 15%-ni təşkil edir. Türkiyə Müəssisə və İş Konfederasiyasının məlumatına görə, onlar ölkə ÜDM-nin 9%-ni, gəlir vergisinin 11%-ni, kənd təsərrüfatı və balıqçılıqdan əldə edilən gəlirin isə 14%-ni təmin edirlər.
Büllur Məmmədova / aktualtv.az
